ချယ်ရီပန်းအလှ

ချစ်သူတိုင်းရဲ့....အမှတ်တရ.....

“အမှတ်တမဲ့မှအမှတ်တရ”တဲ့ လူတော်တော်များများပြောနေကြတဲ့..ကြားဖူးပြီးသား.နားယဉ်ပြီးသား စာသားလေးပါ..အမှတ်တမဲ့ရဲ့နောက်မှာကပ်ပါလာတဲ့..

အမှတ်တရဆိုတာကတော့...ကွဲပြားကြမှာ ပေါ့..ပျော်ရွှင်ခြင်းအမှတ်တရလား..ကြည်နူးခြင်းအမှတ်တရလား..

ဝမ်းနည်းခြင်းဖြစ်စေတဲ့..........အမှတ်တရလားဆိုတာ....

ကိုယ့်မှာလည်းအမှတ်တမဲ့ကနေ..အမှတ်တရဖြစ်သွားစေတဲ့..အဖြစ်က လေးတွေ..ရှိခဲ့ဖူးပါတယ်..

၁

လင်း..မင်းနဲ့အမှတ်မထင်..ဆုံတွေ့ခဲ့ရခြင်းဟာ..ကိုယ့်အတွက်တော့..

အမှတ်တရဝေဒနာလေးခံစားရစေဖို့ဆိုတာ..ကြိုတင်မသိခဲ့ပါဘူး..

ကိုယ့်မောင်လေးသန့်သန့်ရဲ့သူငယ်ချင်းအဖြစ်..နာမည်နဲ့မင်းရဲ့ အကြောင်းတွေကို..ကြားနေတာတော့ကြာပါပြီ..ဒါပေမယ့်လူချင်းကတော့..

တိုက်ဆိုင်စွာနဲ့ကို....မတွေ့ဖြစ်ခဲ့ကြဘူးနော်..

          လင်းဝဏ်္ဏကိုရဲ့ဇာတိမြို့ဟာ..သူတာဝန်ကျနေတဲ့အောင်ပန်းမြို့ကနေ...

ဝေးလွန်းတဲ့အတွက်..တစ်နှစ်မှာတစ်ခေါက်ပင်..သူ့မှာမပြန်နိုင်ခဲ့ပေ..

ဒါကြောင့်အိမ်ကိုလွမ်းတဲ့အခါတိုင်း..မောင်လေးနဲ့အိမ်ကိုအမြဲပင်..

ပါလာတတ်ခဲ့တာပင်..အဲဒီလိုအိမ်ကိုပါလာတတ်ပေမယ့်လည်း..ကိုယ်နဲ့ကတော့..

တိုက်ဆိုင်လွန်းစွာ.....တစ်ခါမှမဆုံဖြစ်ခဲ့ကြတာ..အံ့သြစရာနော်..

ကိုယ်တာဝန်ကျနေတဲ့မြို့ကနေ..

အိမ်ကိုပြန်လာတဲ့..အခါတိုင်းမှာတော့..အလုပ်ကိုအရမ်းကြိုးစားသူ....

ဆက်ဆံရေးကောင်းမွန်သူ.. အလွန်ဖော်ရွေတတ်သူ..

သူတစ်ပါးကိုအရမ်းကူညီတတ်သူ..

မောင်လေးသန့်သန့်ကိုလည်း..အရမ်း

ချစ်ခင်သူ..ဆိုတဲ့မင်းရဲ့အကြောင်းတွေကတော့..

အမြဲလိုပင်ကြားရတတ်တော့..လင်းဝဏ်္ဏဟာကိုယ့်အတွက်တော့..

သိပ်မစိမ်းတော့တဲ့..မောင်လေးတစ်ယောက်ပေါ့..

          တစ်နေ့မှာတော့..လင်းဝဏ်္ဏနဲ့ဆုံကို..ဆုံဖြစ်ဖို့အကြောင်း

တွေဖန်လာခဲ့ပါတယ်..မောင်လေးသန့်သန့်အသည်းအသန် နေမကောင်းဖြစ်လို့..မောင်လေးတာဝန်ကျနေတဲ့အောင်ပန်းမြို့ကို..

လိုက်လာခဲ့ဖို့မေမေတို့ကဖုန်းဆက်ပါတယ်..ဌာနမှာအလုပ်တွေ အရမ်းများနေလို့..နှစ်ရက်လောက်ကြာမှ လိုက်သွားဖြစ်ခဲ့ပါတယ်..အဲဒီလိုလိုက်သွားခဲ့ရတာကအစပြုလို့......

၂

          မောင်လေးရဲ့ချစ်သူငယ်ချင်းအဖြစ်..မင်းကိုသိနေခဲ့ရာက..

မင်းနဲ့ဆုံတွေ့လိုက်တဲ့အခိုက်မှာ  တော့..

                   “မမ..ဒါသားသူငယ်ချင်း..လင်းဝဏ်္ဏလေ..ဒီမှာတော့

                   အတော်ဆုံးဝန်ထမ်းပေါ့..

လို့မိတ်ဆက်ပေးတဲ့အခါ..မင်းကိုစတွေ့တွေ့ချင်းမှာပဲ..

မျက်ခုံးနဲ့မျက်လုံးတို့က..သိပ်လှတာပဲလို့..မှတ်ချက်ချလိုက်မိတဲ့အထိ..

ဆွဲအားသိပ်ပြင်းတဲ့..မင်းမျက်လုံးတွေပါ..မျက်လုံးချင်းဆုံလိုက်တဲ့

အခါမှာတော့..ကိုယ့်ရင်ထဲကို..မြှားတစ်စင်းလာစိုက်သလို..

မင်းကိုကိုယ်စိုက်ပြီးကြည့်မိတော့..

                   “တွေ့ရတာဝမ်းသာပါတယ်မမခန့်..ကျွန်တော်မမတို့အိမ်ကိုလာတိုင်း..

                   မမကိုတစ်ခါမှ..မတွေ့ခဲ့ဘူးပေမဲ့..အခုလိုတွေ့ရတာ..အရင်တုန်းက..

                   တွေ့ခဲ့ဖူးသူတွေလိုပါပဲ..

အပြုံးချိုချိုလေးနဲ့..ပြောနေတဲ့မင်းကိုကြည့်ပြီး..ကိုယ်မပြုံးမိဘဲမနေနိုင်ခဲ့ပါဘူး..

နှုတ်ကလည်း..

                   “အတူတူပါပဲ...

ဆိုတဲ့စကားလေးကိုသာ..ပြောဖြစ်ခဲ့ပေမယ့်..ရင်ထဲမှာတော့ ပြောချင်တဲ့စကားတွေက..အများကြီး ပေါ့.ဒီလိုနဲ့ပဲမင်းနဲ့ကိုယ့်ရဲ့ရင်းနှီး

မှုအတိုင်းအတာဟာ..တွေ့ရတဲ့ရက်နှစ်ဆယ်မှာပဲ..လွန်ခဲ့တဲ့နှစ် (၂၀)ကပဲရင်းနှီးခဲ့ကြရတဲ့အတိုင်း..မောင်လေးကိုပြုစုရင်း..

သံယောဇဉ်ပိုခဲ့မိကြတာ..ကိုယ်တို့နှစ် ယောက်မှာအပြစ်ရှိသလား..သံယောဇဉ်ဆိုတာပြောလို့ရတာမှ..

မဟုတ်တာနော်..

          အခုလို..အချိန်တိုလေးအတွင်းမှာ..သံယောဇဉ်ပိုခဲ့မိကြတဲ့အဖြစ်ဟာ..

ရှေးဘ၀က..ရေစက် တွေကြောင့်ပါပဲ..ရှေးဘ၀ကရေစက်တွေကြောင့်..

တွေ့ဆုံခဲ့ကြပေမယ့်..ပေါင်းဖက်ခွင့်အထိရှိနိုင်ပါ့ မလား..ဆိုတာတော့..

တွေးရင်းနဲ့မောမိတယ်..ဘာဖြစ်လို့လဲဆိုတော့..တို့နှစ်ယောက်လုံးက

ဆိုင်သူကိုယ်စီနဲ့မို့လေ..

၃

ကံကြမ်္မာရဲ့ကျီစယ်မှုဟာ..ကိုယ်တို့နှစ်ယောက်အတွက်တော့..

ရိုက်ချက်ပြင်းခဲ့တယ်.. မောင်လေးသန့်သန့်ရဲ့..

                   “မမ..ကိုလင်းရဲ့ကောင်မလေးက..လှတော့မလှဘူး..

                   ချစ်စရာလေးတော့ကောင်းတယ်..ကိုလင်းကိုအရမ်း..

                   ချစ်တာလေ..ကိုလင်းကလည်း..အဲဒီအချစ်တွေနဲ့..

                   ရုန်းမထွက်နိုင်ဖြစ်နေခဲ့တာ..”

ဆိုတဲ့ပြောစကားတွေကို..နားထောင်ရင်း..ကိုယ့်နှလုံးသားလေးဟာ..

တိတ်တိတ်လေးကြေကွဲခဲ့ရ တယ်.. ..နောက်ပြီး..မောင်လေးရဲ့..

                   “မမ..ကိုကိုရတုရော..နေကောင်းလား..သားဆီကိုမလာတော့

                   ဘူးတဲ့လား..ဘာမှမမှာလိုက်ဘူးလား..”

ဆိုတဲ့အမေးစကားတွေကြောင့်..မင်းကိုယ့်ကိုလှမ်းကြည့်လိုက်တဲ့

အကြည့်ဟာ..အဓိပ်္ပါယ်တွေနဲ့ပါ..  မင်းအကြည့်ကို..ကိုယ်ဘယ်လို

ရင်ဆိုင်ကြည့်ရမလဲ..

                   “အခုအလုပ်တွေမအားသေးလို့တဲ့..သင်တန်းတက်နေတယ်လေ..

                   သင်တန်းဆင်းရင်လာတွေ့မယ်တဲ့..နောက်ပြီးဖုန်းဆက်တယ်လေ..”

                   “ဟင်ဩ..ဖုန်းဆက်တာ..သားလည်းမသိရဘူး..ဘယ်အချိန်ဆက်တာလဲ..”

                   “အော်..သူဆက်တဲ့အချိန်နဲ့..သားနဲ့မတိုက်ဆိုင်လို့လေ..အကျိုးအကြောင်း

                   တွေ..အားလုံးပြောပြထားပါတယ်..သားရဲ့”

ကိုယ်တို့မောင်နှမပြောတဲ့စကားတွေကို..ဘေးနားကနေ..

မောင်လေးကိုဆေးတိုက်ရင်း..နားထောင် နေတဲ့မင်းကို..ကိုယ်လှည့်မကြည့်ရဲခဲ့ပါဘူး..လင်းရယ်..ဒါပေမယ့်..

မင်းရိပ်မိနေပြီဆိုတာ..ကိုယ်သိ ပါတယ်..မင်းရိပ်မိရာကနေ..သိသွားစေတဲ့အကြောင်းကတော့..

ကိုယ့်ရဲ့ဟန်းဖုန်းကနေ..သီချင်းသံလေးထွက်လာကတည်းက..

ဘယ်သူလဲဆိုတာ..ကိုယ်သိ ပြီးသားပါ..ဒါပေမဲ့မင်းရှေ့မှာ..

ကိုယ်ဖုန်းမကိုင်ဝံ့ခဲ့ဘူး..သန့်သန့်ကဖုန်းကိုလှမ်းယူပြီး..

          “ဟယ်လိုဩ..အော..ကိုကိုရတုလား..မမ..ကိုကိုရတုတဲ့..”

ကိုယ်မင်းကိုတစ်ချက်လှမ်းကြည့်လိုက်တော့..မျက်ခုံးထူထူအောက်က..

မင်းမျက်ဝန်းအကြည့်ကို..ကိုယ်ရင်မဆိုင်ရဲပေ.မောင်လေးနဲ့ရတု..

ဖုန်းအကြာကြီးပြောပြီး..ဖုန်းကိုပိတ်လိုက်ပြီးနောက်ကိုလင်း ဘက်ကိုလှည့်ကာ..

                   “ယောက်ဖလောင်းလေ..ကိုလင်း”

လို့လှည့်ပြောလိုက်တဲ့အသံဟာ..ကိုယ့်နားထဲမှာ..

ဗုန်းတစ်လုံးပေါက်ကွဲလိုက်သလိုပါပဲ..

8

၎

ဒီလိုနဲ့မောင်လေးနေမကောင်းလို့..လာပြုစုရတဲ့ကိုယ်..

ခွင့်ရက်စေ့လို့..တာဝန်ကျရာမြို့ကိုမပြန်ခင်.. တစ်ရက်မှာ..

မင်းနဲ့ကိုယ်အောင်ပန်းမြို့ထဲကို..ဆေးသွားဝယ်ရင်းစကားတွေပြောမိကြတော့..

                   “မမခန့်..မနက်ဖြန်ပြန်တော့မှာလို့..ကိုသန့်ပြောတယ်..”

                   “အင်း..ဟုတ်တယ်..ခွင့်ရက်စေ့ပြီလေကိုလင်းရဲ့..မနက်ဖြန်ဖေဖေက..

                   မေမေ့ကို..သန့်သန့်ဆီလာပို့မှာလေ..မမခန့်နဲ့လူချင်းလဲမှာပေါ့..သန့်သန့်

                   နားမှာလူမရှိလို့လဲ..မဖြစ်ဘူးလေ..”

                   “ကျွန်တော်တစ်ယောက်လုံးရှိနေတာပဲ..မမခန့်ရယ်..”

                   “အော်..ကျွန်တော်ရှိလည်း..မမတို့ကစိတ်မှမချဘဲကွယ်..လင်းဝဏ်္ဏကို

                   ကျေးဇူးအရမ်းတင်ပါတယ်..”

လင်းဝဏ်္ဏရယ်..ကျေးဇူးပြုပြီး.ရတုအကြောင်းမမေးလိုက်ပါနဲ့နော်..ကိုယ်မဖြေရဲလို့ပါ..

တကယ်တော့ရတုဆိုတာ..ကိုယ်ကျောင်းသူဘ၀ကတည်းက..သူငယ်ချင်းတွေလေ..

အဲဒီကတစ်ဆင့်ချစ်သူတွေဖြစ်ခဲ့ကြတာပေါ့..ကိုယ်တို့အိမ်မှာ..သူငယ်ချင်းဘ၀ကတည်းက..

ဝင်ထွက်နေ..သူမို့.. တစ်အိမ်လုံးနဲ့ရင်းနှီးကျွမ်းဝင်ပြီးသားပင်..ရတုအရာရှိဖြစ်လို့..ကိုယ်နဲ့ချစ်သူတွေဖြစ်သွား ကြတော့လည်း..တစ်အိမ်လုံးကမကန့်ကွက်ခဲ့ပေ..ကန့်ကွက်စရာအပြစ်ကလည်း..

တစ်ကွက်မှမရှိတာ..ကိုယ်ကရော..ကိုယ်ကလည်း..အဲဒီတုန်းက..ငြင်းစရာမှမရှိခဲ့တာလေ..

အခုတော့ရော..

မင်းရဲ့ဆိုင်ကယ်နောက်မှာ..ထိုင်လိုက်ရင်းနဲ့..ကိုယ်ပျော်ပါတယ်..ကြည်နူးမိပါတယ်.

.မြို့ထဲကခေါက်ဆွဲဆိုင်မှာထိုင်မိကြတော့..ကိုယ်တို့နှစ်ယောက်..တစ်ယောက်မျက်နှာတစ်ယောက်.. ကြည့်ကာ..ဘာစကားမှမဆိုမိကြ..ကိုယ့်ရင်တွေနာရပါတယ်..လင်းဝဏ်္ဏရယ်..မင်းရောအတူတူပဲ မဟုတ်လား..အဲဒီတုန်းက..ရင်နာနာနဲ့ပဲနှုတ်ဆက်..လမ်းခွဲပြန်ခဲ့ကြတယ်လေ..

8

၅

ကိုယ်တာဝန်ကျတဲ့မြို့ကို ပြန်ရောက်ပြီးတဲ့နောက် ကိုယ်နောက်ထက်တစ်ခေါက်မောင်လေးရှိရာကို လာဖို့ကြိုးစားပါတယ်..မောင်လေးဆီကိုပြန်သွားချင်တဲ့..စိတ်တစ်ခုတည်းမဟုတ်တာတော့..ကိုယ့် ကိုကိုယ်..သိနေခဲ့ပါတယ်..

          ကိုယ်အောင်ပန်းကို..တစ်ခေါက်ပြန်လာတော့..ရတုသင်တန်းဆင်းချိန်နဲ့..တိုက်ဆိုင်နေလို့ ရတုပါလိုက်လာခဲ့တယ်..မင်းနဲ့ကိုယ်ရဲ့.. ဒုတိယအကြိမ်မြောက်တွေ့ဆုံမှုမှာတော့ ကိုယ်တို့နဲနဲကံ ဆိုးခဲ့ကြတယ်..ဘာကြောင့်လဲဆိုတော့ တို့နှစ်ယောက်ရဲ့ဆိုင်သူတွေ..ကိုယ်စီပါနေကြလို့လေ..

          ရတုနဲ့မောင်လေးတို့အလွမ်းသင့်နေကြတဲ့အချိန်မှာ..ကိုယ်တို့နှစ်ယောက်ကတော့ဘေးက ထိုင်ကြည့်ပြုံးနေရုံပါပဲ..ကိုယ်နဲ့ရတုတို့..မောင်လေးဆီကို..ရောက်တဲ့အချိန်မှာ..မေမေလည်းရှိနေ

တယ်လေ..ကိုယ်တို့အားလုံး..မောင်လေးနဲ့ရှိနေတဲ့အခိုက်..လင်းဝဏ်္ဏရဲ့ကောင်မလေးရောက်လာ တဲ့အတွက်..ကိုယ့်ရင်ထဲမှာ..ခံစားရတာ..မင်းသိမှာမဟုတ်ပါဘူး..မင်းရဲ့ကောင်မလေးနဲ့မိတ်ဆက်

ပေးလို့သိကျွမ်းခဲ့ရပါတယ်..ချစ်စရာကောင်မလေးတစ်ယောက်ပေါ့..

အဲဒီကောင်မလေးကသူတို့ရဲ့အိမ်ကိုဖိတ်ခေါ်လို့..သွားဖြစ်ခဲ့သေးတယ်လေ..အရမ်း

ကိုဖော်ရွေပြီး..အရမ်းခင်စရာကောင်းတဲ့..တိုင်းရင်းသားမိသားစုလေးပါပဲ..မောင်လေးပြောသလိုပါ ပဲ..ကောင်မလေးဟာ..မင်းကိုသိပ်ချစ်တယ်ဆိုတာ..သူ့ရဲ့အပြောအဆို၊သူ့ရဲ့အပြုအမှု.အကြည့်တွေ

ကထင်ရှားလို့နေတယ်..အဲဒီနေ့ကမှမင်းလည်းကိုယ့်လိုပဲ..ချည်နှောင်ထားပြီးသားကြိုးတစ်ချောင်း ရှိတယ်ဆိုတာကိုယ်လက်ခံခဲ့ရတယ်..ကိုယ်ဘာဆက်လုပ်ရမလဲဆိုတာ..အဲဒီနေ့မှာပဲသိခဲ့ရပါတယ်.

          ကိုယ်တို့အဲဒီမှာရက်သိပ်မကြာလိုက်ဘူး..မောင်လေးလည်းနေကောင်းနေပြီကတစ်ကြောင်း.. ရတုကခွင့်ရက်သိပ်မရတာကတစ်ကြောင်းမို့..တစ်ပတ်နေပြီးပြန်လာခဲ့ကြပါတယ်..ကားနားအထိ လိုက်ပို့တဲ့မင်းကို..

                   “ကိုလင်း..မမပြန်ပြီနော်..မင်္ဂလာဆောင်ရင်ဖိတ်စာပို့လိုက်ပါ”

လို့..ကိုယ်မနည်းကြီး..အားတင်းပြီးပြောခဲ့ရတယ်ဆိုတာ..ကိုယ်ကလွဲပြီးဘယ်သူမှ..မသိနိုင်ပါဘူး..

ဝဲတက်လာတဲ့ကိုယ့်ရဲ့မျက်ရည်တွေကို..နေကာမျက်မှန်နဲ့ဖုံးကွယ်ခဲ့ရတယ်..ကိုယ်တို့နှစ်ယောက်ရဲ့

အဖြစ်ဟာ..အစမကောင်း..အနှောင်းမသေချာတဲ့ဇာတ်လမ်းပါ..ဒီဇာတ်လမ်းကို..ဇွတ်ဖန်တီးလို့ မရဘူးဆိုတာ.. မင်းနားလည်စေချင်ပါတယ်.. မင်းရဲ့မျက်ရည်လည်နေတဲ့မျက်ဝန်းတွေကို.. ကိုယ် မသိချင်ယောင်ဆောင်ခဲ့ရပါတယ်..ကားပေါ်မှာတစ်လမ်းလုံးနှုတ်ဆိတ်နေခဲ့တဲ့သူကတော့ကိုယ်ပါပဲ

8

၆

          အဆောင်ရှေ့ကဧည့်သည်လို့..ခေါ်တဲ့အတွက်..ဆင်းတွေ့ခဲ့တဲ့ကိုယ်..ဧည့်သည်ဟာ..မင်း

ဖြစ်နေလို့အရမ်းကို..အံ့သြခဲ့ရတယ်..

“ဟယ်..ကိုယ်အရမ်းအံ့သြတာပဲ..မင်းကို..ကိုယ်..သိပ်မကြာခင်မှာ ပြန်ပြီး..တွေ့ရလိမ့်မယ်လို့.

.မျှော်လင့်မထားဘူး..”

“ဟုတ်တယ်..မမခန့်..ကျွန်တော်..မနေနိုင်တော့လို့..

လိုက်လာတာ..မမနဲ့စကားတွေပြောချင်ပါတယ်...”

ကိုယ်ရင်တွေခုန်လိုက်တာ..ကိုယ်မင်းဆီက..တစ်ခုခုကိုကြားရတော့မယ်ဆိုတာ..သိလိုက်ပါတယ်.. ကိုယ်တို့နှစ်ယောက်.တစ်ယောက်နဲ့တစ်ယောက်..စိုက်ကြည့်နေမိကြတာ..ကိုယ်ကတော့..ကိုယ့်ရဲ့ ထုံးစံအတိုင်း..စိတ်ထဲကနေ..တစ်.နှစ်.သုံး.လေး.ရေတွက်ရင်းပေါ့..ငါးဆယ့်ငါး..ငါးဆယ်ခြောက်.. ငါးခွန်..ငါးရှစ်..ငါးကိုး..ခြောက်ဆယ်..

                   “မမခန့်..ကျွန်တော့်ကိုလက်တွဲနိုင်မလား”

ဘုရားရေ..လို့သာစိတ်ထဲကရေရွတ်ရင်း..ကိုယ့်ရဲ့မျက်လုံးတို့က..အံ့သြခြင်း..ထိတ်လန့်ခြင်း.. မှင်တက်ခြင်း..မယုံကြည်နိုင်ခြင်းတို့နဲ့အတူ..၀ိုင်းစက်လို့နေမှာပါ..

“ဟင်..လက်တွဲနိုင်မလားလို့..ကျွန်တော်တကယ်လက်တွဲချင်တဲ့သူ..အစစ်အမှန်ဟာမမခန့်ပဲဆိုတာ..

မမကိုမြင်မြင်ချင်းမှာပဲသိ လိုက်တာမမရဲ့အကြည့်တစ်ချက်ဟာ..ကျွန်တော့်ကိုနှုတ်မရတဲ့ မြှားတစ်စင်း..လာစိုက်သလို..စွဲမြဲတယ်..

ခိုင်မာတယ်..စူးရှတယ်.. ပြင်းထန်ပါတယ်..အဲဒီအကြည့်တစ်ချက်နဲ့တင်..ကျွန်တော်ကျရှုံးခဲ့ရတာ..

ကျွန်တော့်စိတ်တွေ..ကမောက်ကမဖြစ်ခဲ့ရတာပါ..

ကိုယ်ဘာပြန်ပြောရမှာပါလိမ့်..မင်းနဲ့ကိုယ်ရဲ့..ရင်ဆိုင်ကြုံတွေ့နေရတဲ့အရာတွေဟာ....အဖြစ် အပျက်တူ..ခံစားချက်တူဖြစ်နေတာဟာ..ထူးဆန်းလှပါတယ်..ဒါပေမယ့်..

                   “ကိုယ်တို့မှာ..ဆိုင်သူတွေရှိကြတယ်လေ..

                   “ပိုင်မှမပိုင်သေးဘဲ..မမခန့်ရယ်.. မမလည်း..ကျွန်တော့်လိုပဲ

                   ခံစားနေရမယ်ဆိုတာ..ကျွန်တော်သိတယ်..ယုံကြည်တယ်..

                   ဟုတ်တယ်မို့လား..”

ကိုယ်ဘာပြောရမလဲလင်းရယ်..ကိုယ့်ရင်ထဲက..ခံစားချက်ကို..ကိုယ့်မျက်ဝန်းကတစ်ဆင့်..မင်းသိ သွားတာပေါ့..ရင်ထဲကခံစားချက်ကို..မသိမ်းတတ်တဲ့ကိုယ့်ရဲ့ညံ့ဖျင်းမှုလား..ဒါမှမဟုတ်..

အချစ်စစ်အချစ်မှန်ကိုတွေ့ရှိသွားလို့.နှလုံးသားချင်းနားလည်နေတာလားဆိုတာ..

ကိုယ်မဝေခွဲနိုင်တော့ပါဘူး         

          ကိုယ်တို့နှစ်ယောက်ပေါင်းဆုံစည်းဖို့..ကိုယ်နှစ်လုံးသားကတောင်းဆိုနေတယ်..ဒါပေမယ့် ရင်ဆိုင်ရမယ့်အခြေအနေ..အခက်အခဲတွေအတွက်..ဦးနှောက်ကလက်မခံနိုင်ဘူးဆိုတာ..

                   “မမခန့်..ပြောပါအုံး..ကျွန်တော်နဲ့အတူ..မစွန့်စားနိုင်ဘူးလား..

                   ကျွန်တော်ဒီကိုရောက်လာတာဟာ..ကျွန်တော့ဘက်ကစပြီး..

                   စွန့်စားလိုက်တာပါ..မမခန့်ကကျွန်တော်နဲ့အတူ..မလိုက်နိုင်

                   ဘူးလားဟင်..ကျွန်တော့်ကိုလက်မတွဲနိုင်ဘူးလား..”

ခက်ပြီ..ခက်ပြီအကြိမ်တစ်ထောင်လို့သာ..အော်လိုက်ချင်တော့တယ်..ကဲဘယ်လိုလုပ်ကြမလဲ.... ကိုယ့်စိတ်တို့ကလက်ခံချင်ပေမယ့်..ဦးနှောက်ကခွင့်မပြုဘူးထင်တယ်..ကိုယ်တို့အကြာကြီးငြိမ် သက်သွားခဲ့တာ..

          ဒါဟာ..အချစ်စစ်အချစ်မှန်ဟုတ်သလား..

          ကိုယ်တို့နှစ်ယောက်ဟာ..တကယ့်ဖူးစာဘက်အစစ်အမှန်တွေ..ဟုတ်သလား..

ဆိုတာကိုပြန်ပြီး..ဆန်းစစ်ကြည့်ချင်မိသည်..ကိုယ်တို့နှစ်ယောက်..တစ်ယောက်ကိုတစ်ယောက်.. တကယ်လိုအပ်ကြတာလား..ကိုယ်တို့ရဲ့ဆိုင်သူတွေနဲ့သာ..ဇာတ်လမ်းကိုရှေ့ဆက်လိုက်ကြမယ်..

ဆိုရင်ကော..

          ကိုယ့်ရင်ထဲကမေးခွန်းပေါင်းများစွာအတွက်..ကိုယ်တို့အချိန်နည်းနည်းတော့..ယူသင့် တယ်လို့..ကိုယ်ထင်ပါတယ်..ကိုယ်တို့နှစ်ယောက်..ဒီလိုခံစားချက်တွေဖြစ်ပေါ်နေတာဟာ..

ကိုယ်တို့ရဲ့ဆိုင်သူတွေကို သစ်္စာဖောက်တာ..မဟုတ်ဘူးဆိုတာ..အဲဒီအချိန်မှာပဲ..

          အချစ်စစ်အချစ်မှန်..ပိုင်ဆိုင်တဲ့သူတွေဟာ..တစ်ဦးနဲ့တစ်ဦး..အမြဲသစ်္စာတည်မှာ..

          အချိန်တွေပြောင်းပါစေ..နေရာတွေဝေးပါစေ..အသည်းချင်းမှာအမြဲနီးနေတာ...

ဆိုတဲ့..ယနေ့မှစနှစ်တရာတိုင်..သီချင်းလေးဟာ..ငေမခသည..လွှတ်ထားတဲ့ ခသ်နန ဘမေ ထဲမှာ..ငြိမ့်ငြိမ့် လေးထွက်ပေါ်လို့လာခဲ့ပါတယ်..

          ..အချစ်စစ်အချစ်မှန်တွေကို..ပိုင်ဆိုင်တဲ့သူတွေဟာ..အမြဲတမ်းသစ်္စာတည်မှာတဲ့လား.....  အချိန်တွေဘယ်လောက်ပဲပြောင်းပြောင်း..နေရာတွေဘယ်လောက်ပဲဝေးဝေး..အသည်းနှလုံးချင်းက.

နီးနေမှာတဲ့လား..ဒါဆိုရင်ကိုယ်နဲ့လင်း..ကိုယ်နဲ့ရတု..လင်းနဲ့နန်းကြာယုံတို့ရဲ့..အချစ်တွေကရော.. ဘယ်သူ့ရဲ့အချစ်တွေက..အချစ်စစ်အချစ်မှန်..ဖြစ်နိုင်မလဲဆိုတာ..

8

၇

                   “ခန့်..ဘာတွေတွေးနေသလဲ..ငြိမ်နေလိုက်တာ..”

                   “ဟင်..ခန့်တွေးနေတာလား..”

                   “ကိုယ်မေးနေတာသုံးခွန်းရှိပြီ..ခန့်မဖြေလို့..လှည့်ကြည့်တော့

                   ခန့်..ကော်ဖီခွက်ကိုင်ပြီး..ငိုင်နေလို့..ကိုယ်အသာငြိမ်ပြီးကြည့်နေတာ..”

                   “ဘာမေးလိုက်တာလဲ..ရတု”

                   “အော်..ဒီတစ်ခါအလုပ်ပါးရင်.မေမေ့ကိုခေါ်ပြီး..သန့်သန့်တို့ဆီကို..

                   သွားလည်ကြမလားလို့..သန့်သန့်လည်း..သူ့တူလေးကိုတွေ့ချင်

လို့တဲ့..ဟိုနေ့ကဖုန်းဆက်တယ်..”

ကိုယ်ဘာပြောရမှန်းမသိ..ဖြစ်သွားခဲ့မိသည်..အချိန်တွေဘယ်လောက်ကုန်သွားသလဲလို့..ပြန်တွက် ကြည့်မိသည်..သားသားပင်ငါးနှစ်ပြည့်လို့..ကျောင်းပင်ထားတော့မည်..ဒါဆို(၇)နှစ်လောက်တော့ ကြာခဲ့ပြီပေါ့..

“ခန့်..ဘာတွေ..အဲဒီလောက်တွေးနေတာလဲ..”

          “အော်..ဘာမှမဟုတ်ပါဘူးရတုရယ်..ရတုဖွင့်လိုက်တဲ့..သီချင်းကို..

          ခံစားနေမိလို့..ငိုင်သွားတာပါ..”

          “ကိုယ်..အဲဒီသီချင်းကိုသိပ်ကြိုက်တယ်..စာသားလေးတွေက..

          သိပ်အဓိပ်္ပါယ်ရှိတယ်ခန့်ခန့်ရဲ့..အချိန်တွေဘယ်လောက်ပြောင်း ပြောင်း..နေရာတွေဘယ်လိုပဲဝေးဝေး..

အချစ်စစ်မှန်ရင်..အသည်း ချင်းကတော့နီးနေတယ်တဲ့..ကိုယ့်ရဲ့အချစ်က..စစ်မှန်ခဲ့လို့လားမသိဘူးနော်..”

ဆက်မပြောဘဲကိုယ့်ကိုစိုက်ကြည့်နေတဲ့..ရတုကို..ကိုယ်အံ့သြစွာ..သံသယဖြစ်စွာ..စိုက်ကြည့်လို့နေမိသည်..

ရတုဘာကိုဆိုလိုတာလဲ..ဘာကိုပြောချင်တာလဲ..ကိုယ်နဲ့လင်းရဲ့အဖြစ်တွေကို..သိများနေသလားပဲ..

ဆိုတဲ့အတွေးဝင်လာချိန်မှာတော့..ကိုယ့်ရင်ထဲမှာ..ထိတ်ကနဲဖြစ်သွားမိသည်..

                   “ကိုယ့်ကို..ဘာစိုက်ကြည့်နေတာလဲ..ခန့်ခန့်ရဲ့..အံ့သြနေတာလား..

                   ကိုယ်သိပါတယ်ခန့်ရယ်..ခန့်မေမေပြောလို့..အားလုံးသိပြီးသားပါ..

                   အဲဒီတုန်းက..ခန့်ဘာလုပ်ရမှန်းမသိလို့..မေမေ့ရင်ခွင်ထဲဝင်ပြီး..ငိုခဲ့

                   ရတာတွေ..မေမေကခန့်..ဆုံးဖြတ်နိုင်အောင်..ဇယားချပြခဲ့တာတွေ..

                   ခန့်ဆုံးဖြတ်ချက်ချခဲ့တာတွေ..အားလုံး..အားလုံးကို..ကိုယ်သိပြီသားပါ..

                   “ဟယ်..ရတုရယ်..သိရက်နဲ့..အခုအချိန်ထိ..မြိုသိပ်နိုင်တယ်ပေါ့..”

                   “ဟောဗျာ..မမြိုသိပ်နိုင်ရအောင်..ခန့်ခန့်ကအမှားလုပ်ခဲ့တာမှ..မဟုတ်တာ..

                   ကိုယ်နဲ့ချစ်သူတွေ..ဖြစ်ခဲ့ပြီးမှ..အမှတ်မထင်ပေါ်လာတဲ့..အချစ်အတွက်..

                   ခန့်ခန့်နှလုံးသားတော့..တော်တော်နာကျင်နေမှာပဲလို့..ကိုယ်ကသနားနေ

                   တာ..မေမေကပြောတယ်..ခန့်ခန့်ရဲ့ဆုံးဖြတ်ချက်ကိုပဲ..လက်ခံပေးပါတဲ့..

                   ခန့်ခန့်ဟာမှန်ကန်တဲ့ဆုံးဖြတ်ချက်ကို..ချနိုင်မှာပါတဲ့..”

မေမေ..မေမေ..ခန့်ကိုယုံကြည်ခဲ့တယ်ပေါ့..မေမေရယ်ကျေးဇူးတင်ပါတယ်..ခန့်ကအခုမှသိခဲ့ရတာ  ပါလားမေမေ..ရတုကိုလည်းမေမေပဲ..နားဝင်အောင်ပြောခဲ့တာပေါ့..ဒါဆို..လင်းကိုရော..လင်းကို လည်းမေမေတစ်ခုခု..ပြောခဲ့မှာပါပဲ..ခန့်ရဲ့ဆုံးဖြတ်ချက်အတွက်..ခံစားနေရမယ့်..လင်းကိုလည်း...

မေမေပဲနှစ်သိမ့်ပေးခဲ့မှာပေါ့..

          “ဟောဗျာ..ခန့်ခန့်..ဘာကြောင့်မျက်ရည်တွေကျနေရတာလဲ..

          အချိန်တွေတောင်ကြာခဲ့ပြီပဲဟာကို..”

          “နင်..ဘာလို့အခုမှ..ပြောရတာလဲ..”

          “သြော်..ကိုသန့်က..ကိုယ်တို့ကို..လာဖို့ခေါ်တော့..လာမယ်လို့ ပြောလိုက်တယ်လေ..

ခန့်သွားချင်မှာမဟုတ်ဘူးဆိုတာသိလို့.. စိတ်ရှင်းရှင်းနဲ့သွားနိုင်အောင်..ဖွင့်ပြောလိုက်တာလေ..”

ရတုရယ်..ခန့်စိတ်ကိုနားလည်ပေးခဲ့လို့..ကျေးဇူးအရမ်းတင်ပါတယ်.. ခန့်ရဲ့နှလုံးသားလေး..တိတ် တိတ်လေးကွဲကြေခဲ့တာကို..နင်သိနေလိမ့်မယ်လို့..မထင်ပါဘူး..ခန့်..နှလုံးသားရဲ့လိုအင်ဆန်္ဒကို..

မငဲ့ကွက်တော့ဘဲ..ဦးနှောက်ရဲ့စေစားရာနောက်ကို..လိုက်ပါခဲ့တဲ့...ခန့်ရဲ့ဆုံးဖြတ်ချက်ဟာ..

အမှန်ကန်ဆုံးဆိုတာ..သိလိုက်ပါပြီ..ဒီကာလတွေမှာနင့်ကိုငါ..အရမ်းအားနာနေခဲ့ရတယ်ဆိုတာ..အမြဲပဲ နားလည်ပေးခဲ့တဲ့နင်ဟာ..နားလည်နိုင်မှာပါပဲ..အခုတော့..ခန့်စိတ်ရှင်းသွားပါပြီ..

          “ဟုတ်ပါတယ်..ရတုရယ်..နင့်ရဲ့ငါ့အပေါ်ချစ်တဲ့အချစ်က..

          အချစ်စစ်အချစ်မှန်ပါပဲ..ဒါကြောင့်လဲ..နင်နဲ့ငါ..နင်နဲ့ငါ..

          “ဒီလောက်ဆိုရင်..ရပါပြီ..ခန့်ခန့်ရဲ့..ကိုယ့်အချစ်ကို..ခံစားပေးလို့

ရရင်ပဲ..ကျေနပ်ပါတယ်..ကိုယ်တို့နှစ်ယောက်ဟာ..တာဝန်ကိုယ်စီ..အလုပ်ကိုယ်စီနဲ့မို့..

တစ်ယောက်နဲ့တစ်ယောက်တွေ့ဆုံဖို့..အ ချိန်..နည်းခဲ့ကြတယ်..ဒါပေမယ့်ကိုယ်ကတော့..ဘယ်နေရာမှာပဲရှိရှိ..ခန့်ကို..ချစ်သွားမှာပါ..

အသည်းနှလုံးချင်းကတော့..အမြဲနီးစပ်နေမှာဆိုတာ..ယုံကြည်ခဲ့တယ်လေ..”

ရတုရဲ့စကားတွေကိုနားထောင်ရင်း..ဘာမှပြန်မပြောနိုင်လောက်အောင်..ရင်ထဲမှာဆို့နင့်တင်းကြပ်လို့

နေသည်..ရင်တွေနာလိုက်တာ..မျက်ရည်တို့ကလည်း..အတားအဆီးမဲ့စွာနဲ့..ဒီတစ်ခါကျတဲ့... မျက်ရည်ကတော့..ရတုကိုသနားလို့ကျရတဲ့မျက်ရည်တွေပါ..ခွင့်လွှတ်ပါရတုရယ်..ခန့်ကို..

အဲဒီ လောက်အထိ..နားလည်ပေးပြီး..ချစ်ခဲ့တာပေါ့ဟုတ်လား..

          “ရတု..အဲဒီတုန်းကရတုကို..ခန့်ကလက်တွဲဖြုတ်ခဲ့မယ်ဆိုရင်ကော “သြော်.ခန့်ခန့်ရဲ့ဆုံးဖြတ်ချက်အတိုင်းပါပဲဆို..ခန့်ကိုတောင်ကိုယ်က..သနားနေတာ..

ဆုံးဖြတ်ရခက်နေမှာပဲလို့..တွေးပြီးတော့လေ..ခန့်က..ကိုယ့်ကိုလက်တွဲဖြုတ်လို့..

ကိုယ်တို့ထာဝရဝေးကွာသွား ခဲ့မယ်ဆိုရင်လဲ..ကိုယ့်အချစ်ကစစ်လို့..ကိုယ့်အသည်းနှလုံးဟာ..ခန့်နဲ့နီးနီးလေးမှာပဲ.ရှိနေမှာပါ..

အချိန်တွေဘယ်လောက်ပဲပြောင်းပြောင်း..နေရာတွေ..ဘယ်လောက်ပဲဝေးဝေးပေါ့..”

          “ဟယ်..ရတုရယ်..”

          “ကဲ..တော်ပြီ..တော်ပြီ..ငိုလွန်းလို့မျက်နှာလည်းအစ်နေပြီ..

          မျက်လုံးကလည်းမို့အစ်နေတာ..ပိတ်တော့မယ်..အဲဒီလိုကြီး..

          ငိုမယ်မှန်းသိရင်..မပြောပါဘူး..မှားပါတယ်..မှားပါတယ်..ကိုယ်ပဲမှားပါတယ်..ခန့်ခန့်ရယ်..”

နင်မမှားပါဘူး..ခန့်ပဲမှားခဲ့တာနေမှာပါ..ဦးနှောက်ရဲ့စေစားရာအတိုင်း..လိုက်ခဲ့မိတဲ့အတွက်.....

နောင်တရတယ်ဆိုတဲ့အဖြစ်မျိုး..တစ်ခါတစ်ရံလေးမှမဖြစ်ခဲ့အောင်..ရတုကစွမ်းဆောင်နိုင်ခဲ့ပါတယ်..

တစ်ချိန်လုံး..အားနာနေတဲ့စိတ်ဖြစ်အောင်လည်း..စွမ်းဆောင်နိုင်ခဲ့ပါတယ်..အခုမှပဲရင်ထဲမှာရှင်းသွား

သလိုခံစားရသည်..

                   “ရတု..နင်ငါ့ကို..ဘာမှမပြောပဲနေနိုင်ခဲ့တယ်ပေါ့..”

                   “ခန့်ကို..ကိုယ်နားလည်တယ်လေ..ပြီးတော့..”

စကားကိုဆက်မပြောဘဲရပ်ထားတဲ့..ရတုကိုစိုက်ကြည့်လိုက်တော့..ပြုံးစိစိလုပ်နေသည်..ခန့်က...

မေးဆတ်ပြတော့လည်း..မပြောဘဲ..ပြုံးပြီးခန့်ကိုစိုက်ကြည့်နေသည်..ခန့်အသည်းယားလာကာ..

                   “ဟဲ့..ဆက်ပြောလေ..စကားကိုဘာလို့ရပ်ထားတာလဲ..

                   “ဟင်..ဆက်မပြောဘဲသဘောမပေါက်ဘူးလား..”

                   “သြဍ..ဘာလဲ..”

                   “တွေးကြည့်ပေါ..”

ဘာပါလိမ့်..ရတုဘာကိုပြောချင်တာပါလိမ့်..နားလည်ခြင်းရဲ့နောက်မှာ..ဘာရှိသေးတာပါလိမ့်..အို..

မတွေးတတ်တော့ဘူးကွာ..

                   “ဘာလဲလို့..မတွေးတတ်တော့ဘူး..ပြောကွာ..ကဲ..”

                   “ပြီးတော့..ခန့်ခန့်ကို..ကိုယ်ချစ်တယ်လေလို့...ကဲ..အခုမှ

                   ရည်းစားစကားပြန်ပြောနေရပြီ..”

ဟယ်ဩ..ရတုရယ်..ကိုယ်ဘာပြန်ပြောရမှာပါလိမ့်..နင့်ကိုလည်းငါအရမ်းချစ်သွားပါပြီ..ငါ့ဘ၀မှာနင်..

မရှိရင်မဖြစ်ဘူးဆိုတာ..သိပ်မကြာသေးခင်ကမှ..ငါသိခဲ့ပြီးပါပြီ..

                   “ရတု..သန့်သန့်တို့မြို့ကို..သွားလည်မယ်လေ..

                   နင့်ကို..တစ်ခုတော့တောင်းဆိုပါရစေ..”

                   “ဟင်..ဘာကိုလဲ..”

                   “နင်..ငါ့အနားကနေ..တစ်သက်လုံးခွဲမသွားပါဘူးဆိုတာပါ..

                   ငါ့ဘေးမှာ..နင်မရှိရင်မဖြစ်တော့ဘူးဆိုတာ..သိလိုက်ရလို့လေ..”

                   “အိုးဩ..မိုင်ဂေါဒ်..သု..သု..ျောန အသ ပသက..ပါ..

ကဲ..အခုတော့လည်း..လောကကြီးကသိပ်ချစ်စရာကောင်းနေပါလား..ကိုယ်နဲ့လင်းတို့ရဲ့..

အမှတ်မထင်အဖြစ်က..အမှတ်တရဖြစ်စေခဲ့သလို..ကိုယ်နဲ့ရတုကရော..အမှတ်ထင်ထင်နဲ့ကို..မှာအကြီးမားဆုံးသော.. ချစ်ခြင်းတွေနဲ့အတူ..မှတ်မှတ်ရရ..ဖြစ်စေခဲ့ပြီလေ..

                                                                                                         

ငွေသော်တာ