တောင်တန်းမြေ: 2011

အစကတည်းက..မဖြစ်နိုင်မှန်းသိရက်နဲ့..စခဲ့တဲ့ဇာတ်လမ်း.. ကိုယ်ဘယ်လိုအဆုံးသတ်ရမလဲ.. ကိုယ်သတိ

ထားနေတဲ့ကြားက..ကိုယ့်ကိုကိုယ်ထိန်းချုပ်နေတဲ့ကြားက..မင်းရဲ့အကြည့်တစ်ချက်မှာပဲ.. ငြိတွယ်သွားခဲ့ရ တာပါ..အချစ်မှာမျက်စိမရှိပေမယ့် ..အချစ်မှာဦးနှောက်ရှိတယ်လို့.. ကိုယ့်ကိုကိုယ်.. အကြိမ်ကြိမ်ဆုံးမခဲ့

တယ်..အဲဒီလိုဆုံးမနေတဲ့ကြားက..မင်းကိုချစ်မိသွားတဲ့အတွက်..ကိုယ့်ရဲ့နှလုံးသားလေးမှာတော့အပြစ်မရှိ ပါဘူးနော်..

သတ်္တ၀ါရယ်လို့ဖြစ်လာမှတော့..အသည်းနှလုံးပါပြီးသား..

အသည်းနှလုံးပါမှတော့..ခံစားမှုဆိုတာရှိပြီးသား..

ခံစားမှုရှိမှတော့..ကိုယ်လည်းချစ်တတ်တာပေါ့..

ဒါပေမယ့်..ကိုယ်ချစ်မိသွားတဲ့သူက..မချစ်သင့်တဲ့မင်း..ဖြစ်နေတယ်..

ကိုယ်စာသင်တိုင်း..စိုက်ကြည့်တတ်တဲ့မင်း..အစကတော့အမှတ်တမဲ့ပေါ့.. ကိုယ်မင်းတို့အတန်းကိုဝင်တိုင်း တစ်ချိန်ကိုနှစ်ယောက်..သုံးယောက်..ပျောက်နေတတ်တဲ့ကျောင်းသားတွေထဲမှာ.. မပျက်မကွက်ရှိတတ်တာ မင်းပါပဲ..

ကျောင်းသားတွေအရမ်းများတဲ့..မင်းတို့အတန်းထဲမှာ..လူရာကျော်ရှိတဲ့ကျောင်းသားတွေကို..လွှမ်းသွားအောင်..

အသံကိုမြှင့်ပြီး..စာသင်ရတာပြဿနာမရှိပေမယ့်..ကိုယ့်ကိုစိုက်ကြည့်တတ်တဲ့..မင်းရဲ့အကြည့် ကတော့..ကိုယ့်အတွက်နည်းနည်းတော့..ပြဿနာရှိတယ်နော်..

ဆရာစာသင်ရင်..သင်တဲ့ဆရာရဲ့မျက်နှာကို..စိုက်ကြည့်မှ..စာနားလည်တဲ့..စာခေါင်းထဲကိုဝင်တဲ့..

ကျောင်းသားတွေထဲမှာ..ကိုယ်လည်းတစ်ယောက်အပါအ၀င်ဖြစ်ခဲ့ဘူးပါတယ်..အခုကိုယ်ကိုယ်တိုင်..

စာသင်ရတဲ့အခါမှာ..ကိုယ့်ကိုစိုက်ကြည့်ပြီး..နားထောင်နေတဲ့ကျောင်းသားတွေထဲမှာ..မင်းကိုမှသတိထားဖြစ်သွား ရတာကတော့..မင်းရဲ့လှပလွန်းတဲ့..မျက်ဝန်းနက်တွေကြောင့်ဖြစ်မယ်ထင်ပါရဲ့..

စပြီးသတိထားလိုက်မိတဲ့နေ့က..ကိုယ်ကအင်တိုက်အားတိုက်စာတွေသင်နေမိတော့..ကျောင်းသား တွေကကိုယ့်ကိုအာရုံစိုက်ပြီး..

နားထောင်နေကြတယ်..စိတ်ထဲမှာတစ်မျိုးဘဲထင်လို့..အတန်းရဲ့နောက်ဆုံးကိုလှမ်းကြည့်လိုက်တော့..

ကိုယ့်ကိုစိုက်ကြည့်နေတဲ့..မျက်ဝန်းနက်နက်တစ်စုံ..အိုးဍ..ဒီကလေးကချောလှချည်

လားလို့..စိတ်ထဲကမှတ်ချက်ချမိတဲ့အထိ..ချောမောလှတဲ့မင်းရဲ့မျက်နှာကို..တစ်ချက်စိုက်ကြည့်မိခဲ့တယ်..

အဲဒီနေ့ကတော့အမှတ်တမဲ့ပေါ့.

ကိုယ့်ထံကို..စာမေးချင်လို့ပါဆိုပြီး..စတင်ချဉ်းကပ်လာတဲ့မင်းဟာ..နောက်ပိုင်းမှာကိုယ့်ရင်ထဲအထိရောက်မှန်းမသိရောက်အောင်..

ချဉ်းနင်းဝင်ရောက်လာတော့တာ..ကိုယ်ကိုယ်တိုင်ပင်..မသိခဲ့မိတဲ့အဖြစ်ပေါ့..စာနားမလည်လို့..စာလာမေးရင်း..

အဆောင်ကိုလာလည်ရင်းကနေ..ရင်းနှီးသွားကြတော့တယ်...ရင်းနှီးသွား တော့..ခဏခဏလာတာပေါ့..

အတန်းထဲမှာစာသင်ရင်လည်း..စိုက်စိုက်ပြီးကြည့်တတ်တဲ့..မင်းရဲ့မျက်ဝန်း နက်နက်ကလေးတွေဟာလည်း..ဘာမှန်းမသိတဲ့..အရိပ်ကလေးတွေ...စွန်းထင်လို့လာခဲ့တာ ..

ဒီလိုနဲ့..ကိုယ်ဘာပဲလုပ်ချင်ချင်..အမြဲပဲကူညီပေးတတ်တဲ့သူ..အစပထမပိုင်းတော့..ညတွေဆိုရင်..

နှစ်ရက်တစ်ခါ..သုံးရက်တစ်ခါ..ဖုန်းဆက်လေ့ရှိရာကနေ..နေ့တိုင်းဆက်တတ်လာခဲ့တယ် ..နောက်တော့..မနက်တစ်ကြိမ်ညတစ်ကြိမ်..ဖုန်းဆက်တတ်လာခဲ့တယ်..ဖုန်းဆက်တိုင်းဖြစ်စေ..

လူချင်းတွေ့တိုင်းဖြစ်စေ.. အမြဲလိုမေးတတ်တဲ့စကားလေးက..

“ချယ်..ဘာလိုအပ်သလဲ..ဘာလုပ်ပေးရမလဲခင်ဗျာ”

ဆိုတဲ့စကားလေးပေါ့..အင်မတန်မှကို..ချစ်စရာကောင်းတဲ့..ကလေးလေးနော်..ကိုယ့်စိတ်ထဲကလည်း..သိပ် အလိုက်သိတတ်တာပဲလို့..အမှတ်တွေပေးနေမိတာပေါ့..အဲဒီ့ချစ်စရာသိပ်ကောင်းတဲ့ကလေးလေးရဲ့..စိတ် ထဲမှာ..အရောင်တွေပြောင်းနေမှန်းမရိပ်မိခဲ့ပါဘူး..

ကိုယ်ရိပ်မိသွားတဲ့နေ့ကတော့..ကိုယ်အဲဒီနေ့က..ကိုယ့်အိမ်ကိုလူကြုံပါးဖို့အတွက်..ပစ်္စည်းတွေကို..သွားပို့ဖို့..

ညနေငါးနာရီမှာချိန်းဆိုထားလို့..မင်းအလာကို..အဆောင်ရှေ့မှာထွက်စောင့်နေတဲ့အချိန်..

တိုက်ဆိုင်စွာပဲကိုယ့်သူငယ်ချင်းကရောက်လာပြီး..အတင်းလိုက်ပို့လို့..ပါသွားခဲ့မိတယ်..

အဆောင်ကိုပြန်ရောက်လို့..အဆောင်ရှေ့မှာရပ်စောင့်နေတဲ့မင်းကို..တွေ့လိုက်ရတဲ့အခါ..ကိုယ်... အရမ်းကိုအံ့သြသွားရပြီး..

“ဟင်..ဘာလုပ်နေတာလဲ..အေးချမ်း”

လို့ဆိုတော့..ဘာမှပြန်မပြောဘဲ..ခေါင်းငုံ့နေတဲ့မင်းကို..

“ဟယ်..မေးနေတယ်လေ.. ဘာဖြစ်နေတာလဲ..”

“ချယ်..နော်လာတဲ့အထိ..ဘာကြောင့်မစောင့်တာလဲ..”

“အော်..စောင့်နေတုန်း..သူငယ်ချင်းကလာလည်တော့..

သူကလိုက်ပို့မယ်ဆိုပြီး..အတင်းပို့တာလေ..”

“ချယ်..ချိန်းတာက..နော်နဲ့လေ..နော်နဲ့ချိန်းထားပြီးရင်..

နော်နဲ့ပဲသွားရမှာပေါ့”

“အေးကွာ..ဆောရီး..ကိုယ်လည်းသူငယ်ချင်းကိုအားနာ တာနဲ့..”

“နော့်ကိုတော့..အားနာစရာမလိုဘူးပေါ့နော်..”

“အေးချမ်းကိုလည်း..အားနာပါတယ်..နောက်နေ့မှပဲ..

တောင်းပန်မယ်ဆိုပြီးတော့လေ..အခုအချိန်အထိစောင့်နေမယ်လို့လဲမထင်မိဘူးလေ..အားနာပါတယ်..

“ချယ်က..အရမ်းရက်စက်တာပဲ..တကယ်ဆိုရင်..နော်နဲ့ ချိန်းထားတာကို..

အော်..ခက်လိုက်တာ..ဘယ်လိုပါလိမ့်ဒီကလေးလို့..စိတ်ထဲကပြောပြီး..စိုက်ကြည့်လိုက်တော့..

မင်းမျက်လုံးနဲ့..မျက်လုံးချင်းဆုံသွားတဲ့အခိုက်မှာတော့..ကိုယ်အံ့သြလို့သွားပါတယ်..မင်းရဲ့မျက်နှာလေးဟာ.. တကယ် ကိုစိတ်ထိခိုက်လို့နေတာ.. မျက်ဝန်းထဲက၀ဲနေတဲ့မျက်ရည်တွေက..သက်သေပေါ့..အိုး..

“ဟယ်..မင်းတကယ်ဝမ်းနည်းနေတာလား..အေးချမ်း..”

ဘာမှပြန်မပြောဘဲ..ကိုယ့်ကိုစိုက်ကြည့်နေတဲ့..မင်းရဲ့မျက်ဝန်းထဲမှာ..ကိုယ်မသိတဲ့အရိပ်တွေ..စွန်းနေတယ်.. အဲဒီ့နေ့က..ဘာမှပြန်မပြောဘဲ..ပြန်သွားတဲ့မင်းအတွက်..ကိုယ့်ရင်ထဲမှာ..တစ်မျိုးပဲခံစားခဲ့ရတယ်.. မဖြစ်

သင့်ပါဘူးလို့..ကိုယ့်ကိုကိုယ်သတိပေးနေမိတဲ့အထိ..ခံစားသွားခဲ့ရတာပါ..

နောက်ရက်ကစပြီး..ပုံစံပြောင်းသွားတဲ့မင်းကို..ကိုယ်အံသြခဲ့ရတယ်..အတန်းထဲမှာ..စာသင်ရင်..

ကိုယ့်ကိုစိုက်ကြည့်နေတတ်တဲ့.. မင်းရဲ့မျက်ဝန်းထဲမှာ.. ဘာမှန်းမသိတဲ့.. ဘာရယ်လို့အမည်တပ်လို့မရတဲ့ အရိပ်တွေထင်နေတယ်..အတန်းထဲမှာတော့..မပျက်မကွက်အမြဲပဲ...ရှိနေတတ်ပြီး..ကိုယ့်ဆီကိုဖုန်းလည်းမ ဆက်..လူလည်းမလာတော့ဘဲ.. ငြိမ်ချက်သားကောင်းနေတဲ့မင်းကို.. ကိုယ်အရမ်းအံ့သြခဲ့ရတယ်..အဲဒီ့ အတွက်.ကိုယ့်မှာမနေတတ်နိုင်ဖြစ်ခဲ့ရပြီး..ကိုယ့်ရဲ့စိတ်ကိုအလိုလိုက်ခဲ့မိရာကစလို့..

ကိုယ်မနေနိုင်တော့တဲ့အဆုံးမှာတော့..မင်းဆီကိုဖုန်းခေါ်ဖြစ်ခဲ့တော့တယ်..

“အေးချမ်း..ဘာဖြစ်နေတာလဲ..ကိုယ့်ကိုစိတ်ဆိုးမပြေသေးဘူးလား..”

“နော်..စိတ်ဆိုးနေတာမဟုတ်ဘူး..စိတ်မကောင်းဖြစ်နေတာ..

ချယ်က..နော့်ကို..လူရာမသွင်းလို့လေ..”

“အိုးဍ..လူရာမသွင်းတာမဟုတ်ရပါဘူး..ဟိုကတစ်ခါတလေမှ

လာတဲ့သူငယ်ချင်းလေ..မင်းကအမြဲပဲ..အနားမှာရှိနေတဲ့တပည့် လေ..တပည့်ဆိုပြီး..

ဂရုမစိုက်တာမဟုတ်ပါဘူး..တပည့်တွေဟာလည်း..သူ့နေရာနဲ့သူတန်ဖိုးရှိပါတယ်...မင်းအခုလိုကြီးဖြစ်နေ တာ..ကိုယ့်ရင်ထဲမှာမကောင်းဘူး..”

“ချယ်..ခဏလေးအဆောင်ရှေ့မှာထွက်စောင့်ပေးပါ..နော်..ခုထွက်လာပြီ”

ပြောပြောဆိုဆိုနဲ့..ဖုန်းချသွားတဲ့မင်းကို..မြင်ယောင်ရင်းကိုယ်ပြုံးမိသွားတယ်..မင်းကိုယ့်ဆီကိုလာနေပြီပေါ့ လို့တွေးရင်း..ကိုယ်အဆောင်ရှေ့မှာ..စောင့်နေတဲ့မိနစ်နှစ်ဆယ်အတွင်းမှာ..

မင်းရဲ့ဂျစ်ကားနီနီရဲရဲလေးဟာ.. သီချင်းသံတို့ဆူညံစွာနဲ့..ကိုယ့်ရှေ့ကိုရောက်လာတယ်..ကားပေါ်ကဆင်းလာတဲ့..

မင်းရဲ့လက်ထဲက..နီရဲနေ တဲ့နှင်းဆီပန်းစည်းကြီးကို..အမြင်မှာတော့..ကိုယ်အရမ်းအံ့သြပြီး..ပြုံးနေမိတော့တယ်..

“ချယ်..တောင်းပန်ပါတယ်..စိတ်မကောင်းဖြစ်အောင်လုပ်မိလို့..”

ဆိုပြီး..ကမ်းပေးလာတဲ့ပန်းစည်းကို..လှမ်းယူလိုက်တဲ့အချိန်မှာ..ခံစားရတဲ့..

ရင်ထဲကပီတိဟာ..ဘယ်လိုဆိုတာကိုပင်..ပြောမပြတတ်အောင်ပါပဲ..

“အိုးဍ လှလိုက်တာကွယ်..”

အပြုံးချိုချိုလေးနဲ့..ရွှန်းလဲ့နေတဲ့မင်းရဲ့မျက်နှာလေးကို.အမြင်မှာတော့....

ကိုယ်ဘာပြောရမှန်းမသိအောင်. ဖြစ်သွားခဲ့ရပါတယ်..မင်းမျက်လုံးထဲကို..

စိုက်ကြည့်လိုက်မိတဲ့..အခိုက်အတန့်လေးမှာတော့..ကိုယ့်နှလုံးသား လေး..အရည်ပျော်သွားခဲ့ရပါတယ်.. ကိုယ်ပြုံးပြလိုက်မိတယ်ထင်ပါရဲ့..

သွားအတူ..လာအတူ..စားအတူ..အမြဲပဲအရိပ်ပမာမခွဲမခွာ..အနားမှာအမြဲပဲရှိနေတတ်တဲ့..အေးချမ်း အတန်းရှိတဲ့ရက်တွေမှာရော..မရှိတဲ့ရက်တွေမှာရောကျောင်းပိတ်တဲ့ရက်တွေမှာပါ..

အမြဲလိုအနားမှာရှိတတ် တော့..ကျဉ်းမြောင်းလှတဲ့..ကိုယ့်အသိုင်းအ၀ိုင်းလေးထဲမှာ..

သတင်းတွေပျံ့နှံ့သွားခဲ့တဲ့အထိ..ဖြစ်သွားခဲ့ရ တော့တာပါပဲ..

အဲဒီလိုအရိပ်တကြည့်ကြည့်..ကိုယ့်ရဲ့လိုအင်ဆန်္ဒတွေကို..စိတ်ရှည်စွာနဲ့..ဖြည့်ဆည်းပေးနေတဲ့.. သူကလေးကို..သံယောဇဉ်ပိုသွားခဲ့မိတဲ့အဖြစ်ကို..ကိုယ့်အသိုင်းအ၀ိုင်းကလူတွေကလက်မခံခဲ့ကြဘူး.. အားလုံးရဲ့အမြင်..အထူးသဖြင့်သူငယ်ချင်းတွေအမြင်မှာတော့..နားလည်မှုတွေလွဲခဲ့ပါတယ်..

အားလုံးထင်သလိုမဟုတ်ပါဘူးဆိုတာ..ရှင်းပြပေမဲ့ဘယ်သူကမှ..လက်မခံခဲ့ကြဘူး..

မင်းကိုသံယောဇဉ်ပိုသွားတဲ့အဖြစ်ဟာ..တစ်နေ့မှာရင်နာစရာတွေဖြစ်လာလိမ့်မယ်ဆိုတာ..

သူငယ်ချင်း တွေမပြောလည်း..ကိုယ်သိပါတယ်..ဒါပေမယ့်.. နှလုံးသားရဲ့ခံစားချက်ကို.. လွန်မှမလွန်ဆန်နိုင်ခဲ့တာပဲ.. မင်းကလည်းကိုယ့်ကိုချစ်ခင်တွယ်တာ..ကိုယ်ကလည်း..ဘေးနားမှာမင်းမရှိရင်..ကိုယ့်ရဲ့ကိစ်္စမှန်သမျှတို့ ဟာ..မင်းမှလုပ်မပေးရင်မပြီးမြောက်တော့ဘူးလို့ထင်မိတဲ့အထိ..

တွယ်ငြိသွားမိတဲ့ချစ်ခြင်းတွေကို.ဘယ်လိုခွန်အား..ဘယ်လိုစွမ်းအားတွေနဲ့..ဖြိုဖျက်ရပါ့မလဲနော်..

ကိုယ်ချစ်ကြောက်ရိုသေရသော..ဆရာမကြီးက..တစ်ရက်မှာတော့..အိမ်ကိုခေါ်တွေ့ပြီ..

“မိုးစက်..မင်းဆရာမ..လုပ်မှာလား..တပည့်မ..လုပ်မှာလား”

လို့မေးတော့..ကိုယ်ရုတ်တရက်နားမလည်ခဲ့ပါဘူး..

“ဘာကိုပြောတာပါလဲ..ဆရာမကြီးရှင့်..”

“တို့တက်္ကသိုလ်လောက..က..ဆရာမတွေထဲမှာ..တပည့်တွေက..

မ..မ..သွားလို့ပါသွားတဲ့ဆရာမတွေရှိတယ်..တပည့်က..မ..တော့..

တပည့်မပေါ့..ဒါကြောင့်တပည့်မ..လုပ်မှာလား..ဆရာမ..လုပ်မှာလားလို့မေးတာ..”

ကိုယ်အံ့အားတသင့်..ကြက်သေသေပြီး..ဘာမှပြန်မပြောနိုင်ဘဲ..ဆရာမကြီးကိုမော့ကြည့်မိတော့..

“မင်းသတင်းတွေကိုကြားတယ်..မိုးစက်..ဘယ်လိုဖြစ်ရတာလဲ..

ငါ့တပည့်ရယ်..”

လို့..ပြောလာတဲ့အခါမှာတော့..ကိုယ့်ရင်ထဲမှာ..၀မ်းနည်းစိတ်..ရှက်စိတ်တွေနဲ့..

ဆို့နင့်တင်းကြပ်လို့..လာခဲ့ကာ..မျက်ရည်တို့ကအတားအဆီးမရှိ..ကျဆင်းလို့လာခဲ့တော့တာပေါ့..

“မငိုပါနဲ့..တပည့်ရယ်..ဒါဟာမျက်ရည်နဲ့ဖြေရှင်းရမယ့်..ကိစ်္စမ ဟုတ်ပါဘူး..အချစ်မှာမျက်စိမရှိပေမဲ့..အချစ်မှာ..ဦးနှောက်တော့ ရှိသင့်တယ်..ဆရာမတို့ရဲ့..မြန်မာ့ယဉ်ကျေးမှုနယ်ပယ်မှာ..မိဘနဲ့ သားသမီး..ဆရာနဲ့တပည့်..အပြန်အလှန်ထားရမဲ့စည်းတွေ..ကျင့်ဝတ်တွေရှိတယ်ဆိုတာ..

မင်းကိုယ်တိုင်တပည့်တွေကို ပို့ချနေလို့.. သိမှာပါ..

ဆရာမကြီးက..စကားကိုဆက်မပြောဘဲ..မျက်ရည်ကျနေတဲ့ကိုယ့်ကို..စိတ်မကောင်းစွာကြည့်နေပြီးမှ..

“ဒီကျင့်ဝတ်တွေထဲမှာ..ဆရာနဲ့တပည့်ကျင့်ဝတ်ကပိုပြီးအရေးကြီးတယ်..မိဘကယုံကြည်လို့..

ကိုယ့်သားသမီးတွေကို..ဆရာတွေရဲ့ လက်ထဲမှာအပ်နှံတယ်..ဆရာတွေကလည်း..မိဘတွေရဲ့ယုံကြည်မှုကို..အလွဲသုံးစားမလုပ်ဘဲ..

အပ်နှံထားတဲ့မိဘကဲ့သို့..တပည့်အ ပေါ်မှာ..ပြုမှုပြောဆိုကျင့်ကြံရမယ်..ဆရာကအလွဲသုံးစား..လုပ် လိုက်တဲ့အတွက်..အပ်နှံထားတဲ့မိဘရဲ့ရင်ထဲမှာ..ဘယ်လိုဖြစ်နေလိမ့်မလဲ..”

သိပါတယ်..သိပါတယ်ဆရာမကြီးရယ်..အားလုံးကိုသိနားလည်ပေမယ့်..ချစ်မိသွားတဲ့အတွက်တော့..

ဘယ်လိုလုပ်ရပါ့မလဲရှင်..မချစ်သင့်ဘူး..မဖြစ်သင့်ဘူးဆိုတာ..ဦးနှောက်ကသိပေမယ့်.

.နှလုံးသားကချစ်မိသွားတဲ့ အတွက်..နှလုံးသားမှာတော့..အပြစ်မရှိဘူးမဟုတ်လား..ကိုယ့်ရင်ထဲကပြောနေမိတဲ့စကားတွေကိုဆရာမကြီး ကသိနေတဲ့အတိုင်း..

“ချစ်မိသွားတဲ့..နှလုံးသားမှာတော့..အပြစ်မရှိပါဘူး..သတ်္တ၀ါပဲ လေ..ခံစားချက်ရှိတာပေါ့..

သတ်္တ၀ါထဲမှာမှ..ကိုယ်ကလူဖြစ်နေ တော့..စဉ်းစားတတ်တဲ့ဦးနှောက်ရှိတယ်လေ..

လူ့လောကရဲ့စည်းတွေ..ကျင့်ဝတ်တွေကိုသိတယ်လေ..ဒါတွေကို..မေ့ထားလို့မရဘူး လေ..

ဒါကြောင့်စဉ်းစားရမယ်..ချင့်ချိန်ရမယ်..ဆုံးဖြတ်ရမယ်..

ကိုယ်ဘာလုပ်သင့်လဲ..စဉ်းစား..ချင့်ချိန်..ပြီးရင်ဘာလုပ်ရမလဲဆိုတာ..ရဲရဲဆုံးဖြတ်ချက်ချပါ..

စည်းမကျော်မိစေနဲ့ပေါ့..သမီးရယ်..”

ဆရာမကြီးအိမ်ကအပြန်မှာတော့..ကိုယ့်ရင်ထဲက၀မ်းနည်းစိတ်..ရှက်စိတ်တွေဟာ..

မျက်ရည်အဖြစ်ပြောင်းလဲသွားပါတယ်..ကိုယ်အဲဒီနေ့ညက..အိပ်မပျော်ဘဲမိုးလင်းခဲ့ရပါတယ်..

အရမ်းကိုအားငယ်စိတ်..ရှက်ရွံ့စိတ်..၀မ်းနည်းတဲ့စိတ်တွေနဲ့အတူ..ခွင့်ရက်ရှည်ယူပြီး.

.နွေးထွေးလှတဲ့..မိဘရဲ့ရင်ခွင်ထဲကို..ခိုဝင်မိခဲ့တော့တယ်..မိဘရဲ့ရင်ခွင်လောက်နွေးထွေးတာ..

ဘာရှိလိမ့်မလဲ.. မတွေ့ရ တာကြာပြီဖြစ်တဲ့..ကိုယ့်ရဲ့မိဘတွေ..မောင်နှမသားချင်းတွေ..ဆွေမျိုးတွေအားလုံးနဲ့တွေ့နေတဲ့..

အခိုက်အ တန့်မှာတော့..ကိုယ်မင်းကို..ခဏမေ့နေခဲ့ပါတယ်..အေးချမ်း ရယ်..

မတွေ့ရတာကြာပြီဖြစ်တဲ့..ဆွေမျိုးတွေ..သူငယ်ချင်းတွေရဲ့အိမ်တွေကို..တစ်အိမ်ပြီးတစ်အိမ်..လှည့် ပြီးသွားနေရတာ..မောရမှန်းမသိ..ပျော်လို့မ၀ပေါ့..အဲဒီ့အချိန်မှာ..ကိုယ်ဟာသောကကင်းဝေးနေတဲ့..ကလေး တစ်ယောက်လိုပါပဲ..အဲဒီနေ့က..အပျော်လွန်ပြီး.. မိုးချုပ်မှအိမ်ကိုပြန်ရောက်တော့.. အိမ်ရှေ့မှာရပ်ထားတဲ့.. မင်းရဲ့ကားလေးကိုတွေ့လိုက်တဲ့အခါမှာ..ကိုယ်အရမ်းအံအားသင့်..ရုတ်တရက်ဘာလုပ်ရမှန်းမသိ..ဖြစ်သွား ခဲ့တာ....မေမေက..

“သမီးတပည့်လေးက..သမီးမိုးချုပ်မှာလို့ပြောတာကို..

ပြန်မလာမချင်းစောင့်မယ်ဆိုပြီးစောင့်နေတာလေ..”

“အော်..မေမေရယ်..ဖုန်းဆက်လိုက်တာမဟုတ်ဘူး”

“သမီးလက်ထဲမှာ..ဖုန်းပါမသွားဘူးလေ..”

အော်..ဟုတ်သားပဲ..အယောင်ယောင်အမှားမှားနဲ့..ဘာတွေလျှောက်ပြောမိမှန်းမသိဘူး..ကိုယ့်ဘာသာကို.. ဖုန်းထားပစ်ခဲ့တာကို..မေ့နေတာ..ကိုယ့်စိတ်တွေဟာ..မင်းနဲ့ပတ်သက်လာရင်..မတည်ငြိမ်သေးဘူးနော်..

ကိုယ်မင်းရှေ့မှာ..၀င်ထိုင်ပြီးမင်းကိုကြည့်လိုက်မိတော့..မင်းကိုယ့်ကိုကြည့်နေတဲ့အကြည့်ဟာ..

သနားစရာ ကောင်းလိုက်တာ..ကိုယ့်ကို..ဆို့နင့်ဝမ်းနည်း..တမ်းတတဲ့အကြည့်နဲ့..ကြည့်နေတဲ့မင်းကို..

ကိုယ်စိတ်တင်း ပြီး..

“ဘယ်အချိန်ကတည်းက..ရောက်နေတာလဲ..”

“တစ်နာရီလောက်တော့ရှိပါပြီ..”

“ကားကိုတစ်ယောက်ထဲ..မောင်းလာတာပေါ့..”

“ဟုတ်..ချယ်..”

“အင်း..အိမ်ကစိတ်ပူနေတော့မှာပဲ..ပြောခဲ့လားအိမ်ကို..

ဒီကိုသွားမယ်ဆိုတာ..”

“ပြောခဲ့တယ်..တီချယ့်အိမ်ကိုလိုက်သွားမှာလို့..”

ပြောရင်းနဲ့အသံတွေတုန်လာတဲ့မင်းကို..ကိုယ်.ကိုယ်ချင်းစာပါတယ်..မင်းရဲ့ရင်ထဲမှာ..

ဘယ်လောက်ပူဆွေး..သောကရောက်နေမလဲဆိုတာ..၀မ်းနည်းနေမလဲဆိုတာ..

မင်းရဲ့မျက်ဝန်းကိုကြည့်လိုက်တာနဲ့တင်..ကိုယ်သိ ပါတယ်.. ကိုယ်မင်းကိုစိုက်ကြည့်လိုက်တော့..

“ချယ်..အရမ်းရက်စက်တာပဲ..”

လို့ဆိုပြီး..မျက်ရည်တွေဝိုင်းလာတဲ့မင်းကို..ကိုယ်ဘာပြောရမှန်းမသိပါဘူး..မျက်ရည်အပြည့်နဲ့..

ပိုပြီးလှနေ တဲ့မင်းမျက်ဝန်းကိုကြည့်ပြီး..ကိုယ်လဲရင်တွေနာလိုက်တာ..မျက်ရည်လည်လာတဲ့အထိပေါ့..

ဒါပေမယ့်လေ.. ..မဖြစ်သင့်ပါဘူး..စိတ်တွေကိုချုပ်တည်းရတာဟာ..အင်မတန်မှကို..ပင်ပန်းလှပါတယ်..

ခွင့်ရက်စေ့လို့ပြန်တောမယ့်ကိုယ့်ကို..မေမေက..မပြန်ခင်ညမှာ..

“သမီးဟာ..ငယ်ငယ်ကတည်းက..အခုအချိန်ထိလိမ်္မာတဲ့ကလေးပါ.သမီးမှာဦးနှောက်ရှိတယ်..

ဘယ်တုန်းကမှ..အများကြီးသွန်သင် စရာမလိုတဲ့သမီးဟာ..ဘယ်တော့မှ..မိုက်မဲတဲ့အလုပ်..မလုပ်ဘူးဆိုတာမေမေတို့ယုံကြည်ပါတယ်..”

လို့..ဆိုလာတဲ့မေမေ့ရဲ့စကားတွေဟာ..အဓိပ်္ပါယ်အများကြီးရှိပါတယ်...တင်းကျပ်စွာချည်နှောင်လိုက်တဲ့..

မေမေ့ရဲ့စကားကြိုးထဲမှာ..ကိုယ်ဟာဘယ်လိုမှရုန်းမထွက်နိုင်အောင်...ကျရှုံးသွားခဲ့ရပါတယ်.

.အေးချမ်းရောက် လာတဲ့နေ့က..မေမေသုံးလိုက်တဲ့..“သမီးရဲ့တပည့်လေး”..ဆိုတဲ့စကားလုံးလေးကိုကြားပြီးကတည်းက..

ဘာလုပ်ရမလဲဆိုတာ..သိပြီးသားပါ..မေမေရယ်.. ကိုယ်အယောင်ယောင်အမှားမှားနဲ့.. ကတ်ဆက်ခလုတ်ကိုနှိပ်မိ လိုက်တော့..ထွက်ပေါ်လာတဲ့..သီချင်းက..တင်ဇာမော်ရဲ့

.. ချိုမြိန်ဒုက်္ခ..သီချင်း..

ချိုမြိန်ဖွယ်ဒုက်္ခသိလိုက်ရတော့ရင်မှာချိုမြိန် အဆိပ်တက်နေတုန်း.ဒါကိုရှောင်နိုင်ရင်ကောင်းရဲ့လို့စဉ်းစားလိုက်တော့

ကျော့ကွင်းရမ်္မက်မှာတုပ်မိနေပြီ..ငါလေအန်္တရယ်ဟာလှပလို့ စွဲလမ်းခဲ့တော့အသည်းနှလုံးကြေမွပျက်ကြွေပြီဩ

အချစ်ဟာရက်စက်တတ်တယ် မယုံချင်ပေမယ့်လည်းချစ်လွန်းခဲ့သမျှ.. အရှုံးကြီးတွေ့ပြီကွယ်

အချစ်ဟာရက်စက်တတ်တယ် မယုံချင်ပေမယ့်လည်းချစ်လွန်းခဲ့တော့ အရှုံးများတုံ့ပြန်တယ်

တဲ့..ကိုယ့်အဖြစ်က..အဲဒီ့သီချင်းထဲကအတိုင်း..ဖြစ်နေပါလားလို့..တွေးလိုက်မိတဲ့အခါမှာတော့..

ကိုယ့်နှလုံးသားလေးဟာ..ကြေမွသွားခဲ့ပါတယ်..

အေးချမ်းရယ်..မင်းကိုကိုယ်သိပ်ချစ်ပါတယ်..ဒါပေမယ့်လေ..ကိုယ်နဲ့မင်းရဲ့ကြားထဲမှာ..

ဆရာမကြီးပြောတဲ့.. မြန်မာ့ယဉ်ကျေးမှုနယ်ပယ်က..လိုက်နာသင့်တဲ့..စည်း..ဆိုတာရှိပါတယ်..

မင်းနဲ့ကိုယ်ဟာ..စည်းခြားခံထား ရတဲ့သူတွေပါ..မင်းကိုကိုယ်သိပ်ချစ်ပေမယ့်လည်း..

“အေးချမ်း..ချယ်ပြောတာနားထောင်ကြည့်စမ်း..

အေးချမ်းရဲ့ဘ၀ဟာ..နာမည်နဲ့လိုက်ဖက်အောင်ကို..အေးချမ်းပါ တယ်..ပြည့်စုံပါတယ်..အပြစ်လည်းအရမ်းကိုကင်းတယ်..ဒီလို ကလေးတစ်ယောက်ရဲ့ဘ၀မှာ..ကိုယ့်ကြောင့်..အမည်းစက်မစွန်း စေချင်ဘူး..”

“ချယ်..ဘာပြောချင်တာလဲ..နော်နဲ့လမ်းခွဲဖို့ပြောနေတာလား”

“ဟုတ်လိုက်တာကွယ်..

“ဟင့်အင်း..အဲဒီလိုမလုပ်နိုင်ဘူး”

“ကိုယ်..ဆုံးဖြတ်ပြီးပြီ..”

ကိုယ့်ရင်ထဲမှာ..ဒီစကားတွေကိုပြောဖို့အတွက်..ဘယ်လောက်နာကျင်ရသလဲ..ပင်ပန်းခဲ့ရမလဲဆိုတာ.

.ပြောမပြချင်တော့ပါဘူး..

“ချယ်..ဘယ်လိုဖြစ်နေတာလဲ..ဒီလိုပဲလက်တွဲကြတဲ့သူတွေ..

အများကြီးပဲလေ..

“အဲဒီအထဲမှာ..ကိုယ်တို့မပါရဘူး..မင်းနဲ့ကိုယ်..မသင့်တော်ပါဘူး..

ကိုယ်နဲ့လက်တွဲလိုက်လို့..တစ်နေ့မှာ..မင်းလဲ..နောင်တတွေရ.. ကိုယ်လဲစိတ်ညစ်ရမယ့်အဖြစ်တွေနဲ့ကြုံရလိမ့်မယ်..”

“စိတ်မညစ်စေရဘူးလို့..ကတိပေးရင်ရော..”

“မရဘူး..”

ကိုယ်..ပြောရင်းကငိုချင်လာမိတော့တယ်..ဘယ်လိုလုပ်ရမလဲ..မိုက်ရူးရဲလေးရဲ့..

အခုလိုပြောနေရတာကိုက..ကိုယ့်ရဲ့နှလုံးသားတွေ..တစ်စစီကြေမွနေပါပြီ..

“ချယ်..နော့်ကိုချစ်ရဲ့သားနဲ့..

“ဟင့်အင်း..ကိုယ်မင်းကိုဘယ်တုန်းကမှ..မချစ်ခဲ့ပါဘူး..

ချစ်တယ်လို့ရောပြောခဲ့မိလို့လား..”

“ပြောစရာမှမလိုတာ..ချယ်မပြောလဲ..ချယ်..နော့်ကိုချစ်တာ..

သိနေသားပဲ..”

“အဲဒါချစ်တာမဟုတ်ဘူး..မင်းကိုအသုံးချခဲ့တာ..ကိုယ်ဒီမှာနေတဲ့ အခိုက်..အဆင်ပြေဖို့အတွက်လေ..အခုကိုယ်မင်းကို..မလိုအပ် တော့ဘူး..”

“မယုံဘူး..ဘယ်လိုမှမယုံဘူး..ဘယ်လိုပြောပြောမယုံဘူး..

ချယ်..နော့်ကို..ဘာစိတ်ဆိုးတာလဲ”

ခက်ပြီ..ပိုဆိုးကုန်ပြီထင်ပါရဲ့.ဘာပြောရမှန်းပင်မသိတော့..ကိုယ်ရင်ထဲမှာလည်းကြေကွဲရတာပါပဲ.

.အေးချမ်းရဲ့မျက်လုံးထဲစိုက်ကြည့်လိုက်တော့..အို..မျက်ရည်တွေအပြည့်နဲ့..သနားလိုက်တာ.. စိတ်အေးအေးထားလို့.. ကိုယ့်စိတ်ကိုသတိပေးပြီး..

“ကိုယ်ပြောင်းရွှေ့ခွင့်တင်ထားတာကျပြီ..ကိုယ်မင်းကို..

တစ်ခါတည်းနှုတ်ဆက်တာ..”

“ချယ်..နော့်ခံစားချက်ကိုမသိလို့..ဒီလိုတွေပြောပြီး..ဒီလို တွေလုပ်တာလား..နော့်ဘက်ကိုနဲနဲမှ..

မကြည့်တော့ဘူး လား..နော်..နော်ကလေ..နော့်ဘေးနားမှာ..ချယ်မရှိရင်မ နေတတ်တော့ဘူး..

“နောက်တော့..အဆင်ပြေသွားမှာပါ..”

“ဟင့်အင်း..ချယ်..နော့်ကို..မထားခဲ့ရဘူး..

ဝမ်းနည်းလိုက်တာ..ကိုယ့်အသည်းကို.ကိုယ်ပြန်ခွဲရတာလောက်..၀မ်းနည်းစရာကောင်းတဲ့အဖြစ်..ဘယ်မှာမှ မရှိနိုင်ပါဘူး.ကိုယ့်ရင်ထဲမှာ..ဆို့နင်ကြေကွဲလှိုက်တက်လို့လာခဲ့တာအသံပင်မထွက်နိုင်တော့ပေကိုယ့်ဘယ် ဘက်လက်ကိုတင်းကြပ်စွာဆုပ်ကိုင်ထားတဲ့..အေးချမ်းရဲ့လက်နှစ်ဖက်ကိုကိုယ့်ရဲ့ညာဘက်လက်နဲ့ဆွဲအဖယ်မှာ

တော့..ပြုတ်ထွက်သွားတဲ့မင်းရဲ့လက်နှစ်ဖက်နဲ့အတူကိုယ့်ရဲ့နှလုံးသားလေးလည်းပါသွားခဲ့ပါတော့တယ်...

ငွေသော်တာ